அறிவியல் அற்புதம்!

அறிவியல் தந்திடும் அறிவை  -மூளை

      அடைந்திடும் சிந்தனைச் செறிவை!

அறிவால்   பெருகிடும் நிறைவை-நாடு

       அடைந்திடின் பெறாது குறைவை! 

பற்பல அதிசயம் நிகழ்த்திவை-  அதைப்

     பார்த்தே உலகம் வியக்கவை! 

கற்றிட அறிவியல்  நடத்திவை-அதைக்

       காலம்  வாழ்த்த படைத்துவை! .

கணினி கைப்பேசிப் பயனில்வை -அதால் 

      கற்றல்   திறத்தைக் கையில்வை!

 செயற்கைக் கோள்களை  மிகுத்துவை -நாடு

       செழிப்பாய் மாறிட அதுதேவை!  

சிந்தனைச்  செய்வதை அறிவில்வை  -அதைச்

      செய்யாப் பேரை எழுப்பிவை! 

அறியாமை இருளை அழித்துவை-உன்

      ஆராய்ச்சி  திறனால் ஒழித்துவை!

வானத்தில் கோள்களைச்  செலுத்திவை - உன்

       வலிமையால் நாட்டை  வலுக்கவை!

ஏவு  கணைகளைத்  தாவவை -வின்னில்

     ஏவிடும் இராக்கெட் நிறைத்துவை!

ஆயுதப் போரைத் தடுத்துவை-அதை

     ஆற்றலுக் காகப் படைத்துவை!

தாயுடன் கன்றைச் சேர்த்துவை-அதைத்

தள்ள நினைப்போரை எள்ளிவை!