பூந்தட்டில் பூமிபந்து

பூவைப் போல நட்சத்திரங்கள்

பூத்துக் குலுங்குதே – வானில்

பூத்துக் குலுங்குதே!

படகைப் போல நிலவின் பிம்பம்

குளத்தில் தெரியுதே – ஊர்க்

குளத்தில் தெரியுதே!

கொன்றை மலரின் வாசம் தாங்கி

காற்று வீசுதே – தென்றல்

காற்று வீசுதே!

முத்து முத்தாய்ப் பனித்துளிகள்

முதுகுக் கூடாகுதே – புல்லின் 

முதுகுக் கூடாகுதே!

பந்தைப் போன்ற நமது உலகம் 

பல்லுயிர்க்கு வீடானதே – அதைப்

பாதுகாத்தல் என்றும் நமதானதே!